Danbolinerokua

Bada ia denbora buruan proiektutxo bat daukadala bueltaka. Web gune bat hain zuzen ere.

Web gune honen helburua Euskal Herritik kanpo bizi diren euskal herritarren bilgune izatea da. Elkarren artean lagundu, ezagutu eta kontaktua izateko.

Euskal Herritik kanpo bizi garenak asko gara eta oso lagungarria da zauden herrialdean euskal herritarrak daudela jakiteak eta laguntza behar izanez gero izango duzula jakiteak.

Españolek badaukate euren komunitatea interneten eta arrakastatsua da gainera. Spaniards.es da web gunea eta Eneko izeneko nafar batek kudeatzen du.
Web gune honen formatua foro baten antzekoa da. Erabiltzaileak daude eta erabiltzaile batek galdera bat egiterakoan, besteak erantzuten doaz, aurrekoaren erantzunaren azpian idatziz. Wiki bat ere badaukate. Wikian, adibidez, herrialde batean lan egin ahal izateko ze pausu eman behar dituzun eta horrelako gauzak idazten dituzte. Nire ideia antzerako zerbait egitea da.

Spaniards.es komunitatean nik ere bere momentuan izena eman nuen Eirera etorri aurretik piskat enteratzeko. Baina arazo batzuk izan nituen komunitate horretako erabiltzaile batzuekin. Nire perfila egiterakoan ez nuen nire herrialdea, hau da Euskal Herria, aurkitu eta interneten askotan erabiltzen dudan moduan Antartida jarri nuen nire herrialde bezala. Hori erabiltzaile fatxilla batzuei ez zitzaien gustatu eta nire kontra hasi ziren. Esan beharra dut beste batzuk ere nire alde agertu zirela eta gerora nik egin nuen bezala baja eman zirela komunitate horretan.

Hor hasi nintzan euskal komunitate bat sortzeko ideiarekin.

Hasiera baten Ruby On Rails-en egitea okurritu zitzaidan. Ez daukat ideiarik ere ez. Horrela web gunea egiten noan einean ikasi egingo nuen. Hasi nintzen Ruby On Rails-en inguruan informatzen, baina ez naiz oso autodidakta eta azkenean alde batera utzi nuen.
Gero okurritu zitzaidan Spaniards.eseko kudeatzaileari galdetzea ea web gunearen eskeletoa pasa al zidan, ondo iruditzen bazitzaion… baina keba, pasatu zena eta gero ez nuen nahi komunitate horrekin zerikusirik izan nahi.

Azkenean pentsatu dudana izan da, ia eginda dauden aplikazioak erabiltzea. Badaude hortik foro formatuko php web guneak eginda eta agian hori izan daiteke aukerarik onena. Diseinua zerbait aldatuta noski, ze ikusi ditudanak ez zaizkit gustatzen.

Ez dakit aukerarik onena izan daiteken php foro horiena, horregatik aholkua behar dut. Norbaitek zerbait aholkatzen dit?

Laguntza ere behar izango dut, gehien bat diseinu aldetik, ez bainaiz diseinuaren eta CSSen lagun…
Norbait laguntzeko prest badago ongi etorria izango da. Hori bai imajinatzen duzuen moduan, por amor al arte izango zen.

Ba hori, norbait laguntzeko prest badago jakinarazi eta ikusiko dugu ea proiektu hau martxan jarri al daiteken.

Zabildu

Informatika, Orokorra euskal, euskal diaspora, euskal herria, euskal komunitatea